طريق الي النقاب

انا حتكلم معاكم عن قصتي مع النقاب في البدايه كنت زي اي اخت محجبه متردده من ارتداء النقاب و المشاكل و ان النقاب ممكن يتعبني في الحركه
لكن سبحان الله انا الفتره ال كنت بفكر فيها في الموضوع كنت كل البرامج بتتكلم عن النقاب كانها رساله موجهه ليا سبحان الله و كنت كل ما اصلي الطرحه تميل علي وجهي و تغطيه و لفت نظري تكرارها كل ما اصلي و كنت بدعي ربنا ان ييسر ليا النقاب
و في يوم كان قرار نهائي ان خلاص انا حكون منتقبه و اواجه اي مشكله و استعين بربنا سبحانه و تعالي
طبعا المشاكل كانت من كل الاتجاهات من اهلي و اصحابي و الناس حتي ال معرفهمش ..ليه يا بنتي ما انتي كنتي كويسه هو النقاب ده مش فرض حتقيدي نفسك بيه ليه..يعني ده كلام ناس و ناس تانيه بعدت عني حتي من اقرب الناس
حتي اهلي خوفوني و قالوا لي ان امن الدوله بيمسك المنتقبات و الملتحين عشان القلق ال في البلد . الصراحه كنت كل مشكله بواجهه بتقويني و مش بتضعفني و لله الحمد
و الايام مرت و في ناس كتير تقبلت الامر الواقع اهلي حبوني بلنقاب و سبب كده اني كنت بحاول ابعد عن عيوب ليا قبل النقاب عشان ابعدهم عن فكره ان النقاب مظهر مش جوهر
و عن نفسي النقاب غيرني كتير و الحمد لله خصوصا في مع الناس بحاول اتعامل مع الناس بطريقه اغير بها الصوره ال اخدوها عن المنتقبات انهم متعصبيين و انهم عاملينوا شكل بس
سبحان الله ما كل فئه فيها و فيها
و بمناسبه الكلام المنتشر عن المنتقبات سواء كلام سلبي او ايجابي ان شاء الله حتكلم فيه مره اتانيه
سبحانك اللهم و بحمدك اشهد ان لا اله الا انت استغفرك و اتوب اليك( دعاء كفاره المجلس)